الثلاثاء، يوليو 11، 2006

مراكب ورق

حلوا المراكب مع المغرب وفاتوني
على الشط واقف بلا مركب وفاتوني
ساعتها قلبي شهق
يشهد علية الشفق
بيني وبينك بحور الغربة يا داري
يا ناري يا ناري لا تطفي البحور ناري
الطير ده مين هشه
على الريح بنى عشه
يا عود ريحان اخضر
الغربة بتحشه
صعبان عليا يا قلب الورد يا صغير
والله ده كان بدري تتلوع وتتحير
لفيت انا لفيت
في الغربة ما خليت
بلد تشيلني وبلد
ترميني تاني لبلد
عواف عليكي يا نخلة مضللة على الباب
راخية الضفاير ولامة الاهل والاحباب
مسى التماسي يا ناسي
ما تصدقوش اني ناسي
مسى التماسي يا ناسي
ما تصدقوش اني ناسي
مناديل دي ولا قلوع
وده بحر ولا دموع
حلوا المراكب مع المغرب وفاتوني
فاتوني وفاتوني
الشيخ امام عيسى

5 تعليقات:

Blogger ... يقول...

الشيخ امام سمعت عنه كتير

ولا ادرى لماذا قادتنى الصدفة بعيدا عن اعماله

عميقة وقوية فى معانيها واحاسيسها

شكررررا

12:07 م  
Blogger مراكب ورق يقول...

الشيخ امام لحظة خاصة من تاريخ مصر
وحالة فريدة من حالات الابداع
ياريت تجربي تسمعيه

7:34 ص  
Blogger Ahmed Rashwan يقول...

nice to here that when I am far .
miss u so much even for few days

2:56 م  
Blogger so7ab يقول...

ياه يا صحبى انا كان بقالى كتير اوى مسمعتش حلو المراكب تصدق فكرتنى بايام بجد كان فيها حاجت حلوة بكل سخافتها

6:54 م  
Blogger مراكب ورق يقول...

فيلم69
العالم مش جميل من غيرك وحشتني اكتر
صحاب
مصدق و مبسوط انك افتكرت ايام حلوة رغم
على فكرة عن تجربة ما فيش حاجة بتحصل حلوة بس
لازم رغم
المهم تكون حلوة ونفضل نفتكرها

6:14 ص  

إرسال تعليق

الاشتراك في تعليقات الرسالة [Atom]

<< الصفحة الرئيسية